بیت بازی کورس : الف سے شروع ہو کر ت پر ختم ہونے والے اردو اشعار : رونق محفل | Best 2 line Urdu Poetry For Bait bazi

1. اس کے جاتے ہی یہ کیا ہو گئی گھر کی صورت
   نہ وہ دیوار کی صورت ہے نہ در کی صورت

   الطاف حسین حالی

2. اپنی جیبوں سے رہیں سارے نمازی ہشیار

   اک بزرگ آتے ہیں مسجد میں خضر کی صورت

ماچس لکھنوی کی خوبصورت اردو شاعریbeautiful Urdu Poetry by Machis Lakhnavi

ہزل

شیخ آئے جو محشر میں تو اعمال ندارد
جس مال کے تاجر تھے وہی مال ندارد
کچھ ہوتا رہے گا ہونہی ہر سال ندارد
تبت کبھی غائب کبھی نیپال ندارد
رومال جو ملتے تھے تو تھی رال ندارد
اب رال ٹپکتی ہے تو رومال ندارد
تحقیق کیا ان جو شجرہ تو یہ پایا
کچھ یوں ہی سی ننھیال ہے ددھیال ندارد
ہے اس بت کافر کا شباب اپنا بڑھاپا
ماضی ہے ادھر گول ادھر حال ندارد
تعداد میں ہیں عورتیں مردوں سے زیادہ
قوالیاں موجود ہیں قوال ندارد
بیوی کی بھی جوتی کے تلے ہو گئے غائب
شوہر کے اگر سر سے ہوئے بال ندارد
ہوتا ہے یہی حسن کے اور عشق کے مابین
اس سال کی جو باتیں تھیں وہ اس سال ندارد
انساں تو ہیں موجود مگر کیا کہیں تم سے
ہے بوئے وفا بھائی اگروال ندارد
اس بت پہ شباب آیا کوئی شیخ سے کہ دو
یہ کیسی قیامت ہے کہ دجال ندارد
ماں باپ بہن بھائی سب ان کے ہیں مرے ساتھ
اب گھر مرا سسرال ہے سسرال ندارد
کٹوا کے حسیں زلفوں کو دل پھانسنے نکلے
یہ کیسے شکاری ہیں کہ ہے جال ندارد
مستقبل رنگیں کے لیے اہل وطن کا
جو حال ضروری تھا وہی حال ندارد
اللہ رے ستم وصل کا جس سال تھا وعدہ
وہ ہو گئے دنیا سے اسی سال ندارد
ہے جنس محبت کا خریدار زمانہ
بازار میں لیکن ہے یہی مال ندارد
ساقی مرا واعظ تو نہیں چہرے پہ جس کے
رمضان ہی رمضان ہے شوال ندارد
بٹواؤ نہ یوں جوتیوں میں دال مری جاں
کیا کھاؤ گے گر ہو گئی یہ دال ندارد
واعظ کو نہ کیوں اپنی ضعیفی سے گلہ ہو
ہیں بیویاں دس دس مگر اطفال ندارد
خاموش جو بیٹھو تو ہوا کرتی ہے الجھن
پرواز کی سوچو تو پر و بال ندارد
درگت یہ بنی فحش نگاری سے ادب کی
وہ روب وہ چہرے کے خد و خال ندارد
ماچؔس نہ کہیں نالۃ سوزاں سے لگے آگ
ہو جائے نہ پنڈال کا پنڈال ندارد

ماچس لکھنوی

صبح کے وقت پڑھنے والے اذکار و وظائف

افضل یہ ہے صبح کے اذکار صبح صادق سے سورج طلوع ہونے تک پورے کر لیے جائیں۔

گنجائش یہ ہے صبح کے اذکار صبح صادق سے دوپہر تک کسی بھی وقت پورے کر لیے جائیں۔

1. ہر چیز سے کفایت کا نبوی نسخہ۔

   سورۃ اخلاص سورۃ فلق اور سورۃ ناس تین تین مرتبہ پڑھیں۔
   فضیلت : جو شخص صبح کے وقت تین مرتبہ سورۃ اخلاص، تین مرتبہ سورۃ فلق اور تین مرتبہ سورۃ ناس پڑھ لے اس کی ہر چیز سے کفایت ہو جائے گی۔

   (مومن کا ہتھیار)

2. دنیا اور آخرت کے کاموں پر کفایت کا نبوی نسخہ۔

   حَسْبِیَ اللّٰهُ لَاۤ اِلٰهَ اِلَّا هُوَ عَلَیْهِ تَوَكَّلْتُ وَ هُوَ رَبُّ الْعَرْشِ الْعَظِیْمِ

   ترجمہ : مجھے اللہ کافی ہے اس کے سواکوئی معبود نہیں ، میں نے اسی پر بھروسہ کیا اور وہ عرش عظیم کا مالک ہے۔
   فضیلت : جو شخص صبح کے وقت سات مرتبہ یہ دعا پڑھ لے تو اللہ تعالٰی اس کے دنیا و آخرت کے کاموں میں کفایت کرے گا۔

   (مومن کا ہتھیار)

3. جہنم سے برأت کا نبوی نسخہ۔

   اللَّهُمَّ إِنِّي أَصْبَحْتُ أُشْهِدُكَ وَأُشْهِدُ حَمَلَةَ عَرْشِكَ، وَمَلَائِكَتَكَ وَجَمِيعَ خَلْقِكَ، أَنَّكَ أَنْتَ اللهُ لَا إِلٰهَ إِلَّا أَنْتَ وَحْدَكَ لَا شَرِيكَ لَكَ، وَأَنَّ مُحَمَّداً عَبْدُكَ وَرَسُولُكَ

   ترجمہ : اے اللہ میں نے صبح کی میں تجھے اور تیرے عرش کے اٹھانے والوں کو تیرے فرشتوں کو اور تیری ساری مخلوقات کو گواہ بناتا ہوں کہ تو ہی اللہ ہے تیرے سوا کوئی معبود برحق نہیں ہے محمد صلی اللہ علیہ وسلم تیرے بندے اور رسول ہیں۔
   فضیلت : جو شخص صبح کے وقت چار مرتبہ یہ دعا پڑھ لے تو اللہ تعالٰی اس کو جہنم سے آزاد فرما دیتے ہیں۔

   (مومن کا ہتھیار)

4. اپنے لیے اللہ کی نعمتوں کو مکمل فرمانے کا نبوی نسخہ۔

   اَللّٰهمَّ اِنِّی أصبَحتُ منكَ في نعمةٍ وعافيةٍ وسِترٍ ، فأتِمَّ علَيَّ نِعمَتَكَ وعافيتَكَ وسِترَكَ في الدُّنيا والآخرةِ

   ترجمہ : اے اللہ بیشک میں نے آپ کی طرف سے نعمت، عافیت اور پردہ پوشی کی حالت میں صبح کی۔ لہٰذا آپ مجھ پر اپنے انعام اور اپنی عافیت اور اپنی پردہ پوشی دنیا اور آخرت میں مکمل فرمائیے۔
   فضیلت : جو شخص صبح کے وقت تین مرتبہ یہ دعا پڑھ لے تو اللہ تعالٰی اس پر اپنی نعمت مکمل فرما دیتے ہیں۔

   (مومن کا ہتھیار)

5. دن اور رات کی نعمتوں کا شکر ادا کرنے کا نبوی نسخہ۔

   اَللَٰهُم مَا أَصْبَحَ بِي مِنْ نِعْمَةٍ أَوّْ بِأَحَدٍ مِنْ خَلْقِكَ فَمِنْكَ وَحْدَكَ لا شَرِيكَ لَكَ فَلَكَ الْحَمْدُ وَلَكَ الشُّكْرُ

   ترجمہ : اے اللہ صبح کو جو نعمتیں میرے پاس ہیں وہ تیری ہی دی ہوئی ہیں۔ تو اکیلا ہے۔ تیرا کوئی شریک نہیں ہے۔ تو ہی ہر طرح کی تعریف کا مستحق ہے۔ اور میں تیرا ہی شکر گزار ہوں۔
   فضیلت : جو شخص صبح کے وقت ایک بار یہ دعا پڑھ لے تو اس نے اس دن کی نعمتوں کا شکر ادا کر لیا۔

   (مومن کا ہتھیار)

6. رضائے الٰہی حاصل کرنے کا نبوی نسخہ۔

   رَضيتُ باللَّهِ ربًّا، وبالإسلامِ دينًا، وبِمُحمَّدٍ صَلَّی اللہ عَلَیہِ وَسَلَّمَ نَبِیَّا

   ترجمہ : میں اللہ کے رب ہونے اور اسلام کے دین ہونے اور محمدﷺ کے نبی ہونے پر خوش ہوں۔
   فضیلت : جو شخص صبح کے وقت تین مرتبہ پڑھ لے تو اللہ تعالٰی قیامت کے دن اس کو راضی کر دیں گے۔

   (مومن کا ہتھیار)