-
اس کے جاتے ہی یہ کیا ہو گئی گھر کی صورت
نہ وہ دیوار کی صورت ہے نہ در کی صورتالطاف حسین حالی
-
اپنی جیبوں سے رہیں سارے نمازی ہشیار
اک بزرگ آتے ہیں مسجد میں خضر کی صورتالطاف حسین حالی
-
ان کو حالیؔ بھی بلاتے ہیں گھر اپنے مہماں
دیکھنا آپ کی اور آپ کے گھر کی صورتالطاف حسین حالی
-
اب عرض محبت کی جگرؔ کیوں نہیں جرأت
وہ سامنے ہیں گرم ہے بازار محبتجگر مراد آبادی
-
اپنے تو لئے زہر کی تاثیر تھی اس میں
گو واسطے عالم کے ہو تریاک محبتقائم چاندپوری
-
اس کے وارث نظر نہیں آئے
شاید اس لاش کے پتے ہیں بہتساقی فاروقی
-
امکاں نہیں جیتے جی ہو اس قید سے آزاد
مر جائے تبھی چھوٹے گرفتار محبتمیر تقی میر
-
اس راز کو رکھ جی ہی میں تا جی بچے تیرا
زنہار جو کرتا ہو تو اظہار محبتمیر تقی میر
-
اک جہانگیر خموشی کی رجز خوانی ہے
ہو گیا کیا یہ مرے گھر کا سماں راتوں راتخاطر غزنوی
-
اب خیال اس کا وہاں آنکھوں میں پھرتا ہے مری
کوئی پھرتا تھا جہاں کبک دری کی صورتمصحفی غلام ہمدانی
-
اس کے جانے سے مرا دل ہے مرے سینے میں
دم کا مہمان چراغ سحری کی صورتمصحفی غلام ہمدانی
-
اطوار ترے باعث آفات جہاں ہیں
آثار ترے ہیں گے سب آثار قیامتتاباں عبد الحی
-
اسباب جہاں کی تو دلا فکر نہ کر تو
حاصل نہیں کچھ اس میں بجز رنج و مشقتتاباں عبد الحی
-
ان کو بے حس جان نہ ساقی اول شب ہے بادہ نوش
رات ڈھلے محسوس کریں گے شیشے کی جھنکار بہترسا چغتائی
-
اپنا اپنا حسن نظر ہے اپنی اپنی منزل ہے
شرط میسر آتا ہے تو سایۂ زلف یار بہترسا چغتائی
-
اس زمانے کی دوستی کے تئیں
کچھ نہیں اعتبار کی صورتآبرو شاہ مبارک
-
اپنی ہی ذات کا اک دائرہ بن رکھا ہے
اپنی گردش میں ہیں ہم لوگ بھنور کی صورتمحسن احسان
-
امتحاں ہم نے دیئے اس دار فانی میں بہت
رنج کھینچے ہم نے اپنی لا مکانی میں بہتمنیر نیازی
-
اس کو کیا یادیں تھیں کیا اور کس جگہ پر رہ گئیں
تیز ہے دریائے دل اپنی روانی میں بہتمنیر نیازی
بیت بازی کورس : الف سے شروع ہو کر ت پر ختم ہونے والے اردو اشعار : رونق محفل | Best 2 line Urdu Poetry For Bait bazi
سبسکرائب کریں در:
تبصرے شائع کریں (Atom)
کوئی تبصرے نہیں:
ایک تبصرہ شائع کریں