حمد باری تعالیٰ مشکل کوئی پڑی ہو | طاہر جھنگوی : رونق محفل

حمد

مشکل کوئی پڑی ہو حاجت اگر کوئی ہو اللہ کو یاد کر اللہ کو یاد کر

مشکل کشا وہی ہے حاجت روا وہی ہے اس کا کھلا ہے در اس کا کھلا ہے در

خالق وہی جہاں کا مالک وہی جہاں کا رازق وہی جہاں کا داتا وہی جہاں کا

سارا جہاں سوالی ادنیٰ ہو یا کہ عالی سب کو اسی کا ڈر سب کو اسی کا ڈر

شمس و قمر ہیں روشن جھلمل ہیں یہ ستارے لیل ونہار میں ہیں اس کے حسیں نظارے

جو ہمیں نظر نہیں آتی اس سے نہیں ہے مخفی ہر چیز پر نظر ہر چیز پر نظر

طغیانیوں میں وہ ہے بر و بحر میں وہ ہے ہجر و شجر میں وہ ہے برگ و ثمر میں وہ ہے

پھولوں میں مہک اس کی بلبل میں چہک اس کی ہر جا پہ جلوہ گر ہر جا پہ جلوہ گر

طوفان میں اسی کو جب نوحؑ نے پکارا کشتیِ نوحؑ کو دیکھو پل میں ملا کنارا

تم بھی اسے پکارو بگڑی ہوئی سنوارو کچھ نئیں اِدھر اُدھر کچھ نئیں اِدھر اُدھر

ماں باپ بیوی بیٹا بیٹی نہ اقربا ہے سوئے نہ پیئے کھائے وہ ہی تو بس خدا ہے

محتاج ہیں نبی بھی غوث و قطب ولی بھی سب کا وہ چارہ گر سب کا وہ چارہ گر

مانگو سدا اسی سے مانگے نہ جو کسی سے جو نہ ڈرے کسی سے ہر دم ڈرو اسی سے

شاہ کو گدا بنائے بے کس کو شاہ بنائے بے خوف و بے خطر بے خوف و بے خطر

جو قریب شاہ رگ سے معبود بھی وہی ہے سجدہ کرو اسی کو مسجود بھی وہی ہے

سب کی وہی ہے سنتا سب کو وہی ہے دیتا چاہتا ہے جس قدر چاہتا ہے جس قدر

یعقوبؑ کو رلایا یوسفؑ کا نہیں بتایا یوسفؑ کو اس نے لیکن شاہ مصر بنایا

یہ غیب کے خزانے اللہ ہی آپ جانے دونوں تھے بے خبر دونوں تھے بے خبر

شکم ماہی سے کس نے یونسؑ کو دی رہائی موسیٰؑ و قوم موسیٰؑ موجوں سے ہے بچائی

فرعون کو بہا دے نمرود کا اڑا دے لنگڑے مچھر سے سر لنگڑے مچھر سے سر

دولت وہ جس کو چاہے غربت وہ جس کو دے دے عزت وہ جس کو چاہے ذلت وہ جس کو دے دے

قدرت نہیں کسی کو طاقت نہیں کسی کو موت و حیات پر موت و حیات پر

آقائےﷺ دو جہاں کی نصرت کو کون آیا کفار کو بدر میں مغلوب کر دکھایا

ابرہہ کے ہاتھی اچھلے چڑیوں نے کیسے کچلے غالب ہے غلبوں پر غالب ہے غلبوں پر

بیشک علیؓ ولی ہے لیکن خدا نہیں ہے جو ستا ہو زیر مشکل مشکل کشا نہیں ہے

پانی نہ کیوں پلایا کنبہ نہ کیوں بچایا اجڑا ہے گھر کا گھر اجڑا ہے گھر کا گھر

مالک ہے عالمیں کا مختار کل وہی ہے عاجز خدائی ساری سائل نبیؑ ولی ہیں

سب کا وہ ہامی ناصر کہتا ہے تجھ کو طاہرؔ مشرک نہ ہو کے مر مشرک نہ ہو کے مر

مشکل کوئی پڑی ہو حاجت اگر کوئی ہو اللہ کو یاد کر اللہ کو یاد کر

شہادت علی طاہر جھنگوی

شعر

ہنڑ واپس ول پؤ بھلیا راہیا جیہڑی راہ ٹریائیں اے راہ نئیں

تینوں ایسا سدھا رستہ لاواں ہوسیں زندگی بھر گمراہ نئیں

جیہڑا شاہ رگ توں وی نیڑے وسدا اوہنوں چھوڑ کے دور توں جا نئیں

اوہدے ہتھ شفا مرضاں دی طاہرؔ کسے ہور دے کول شفا نئیں

شہادت علی طاہر جھنگوی