بیت بازی کورس ب سے شروع ہو کر ڑ پر ختم ہونے والے اشعار رونق محفل

1. بات واعظ کی کوئی پکڑی گئی
   ان دنوں کم تر ہے کچھ ہم پر لتاڑ

   الطاف حسین حالی

2. بشر کیا فرشتے جو پیٹیں ڈھنڈھورا تو کیوں کر چھپے راز کم بخت دل کا
   ادھر آہ نکلی ہماری زباں سے ادھر مچ گیا ساری دنیا میں ہلڑ

   نوح ناروی

3. بہار جوانی حیات جوانی نہ یہ غیر فانی نہ وہ غیر فانی
   عروس چمن کا اترتا ہے گہنا خزاں کے زمانے میں ہوتی ہے پت جھڑ

   نوح ناروی

4. بہایا مضامین کا تم نے دریا غزل میں بہت خوب اشعار لکھے
   زمانے کو اے نوحؔ حیرت نہ کیوں ہو کہ طوفان ایسا زمین ایسی گڑبڑ

   نوح ناروی

5. بلبل نہ رحم آئے گا صیاد کو کبھی
   ہے جان اگر عزیز تو تو اس چمن کو چھوڑ

   شباب

6. بسنے کو چل تو دشت خزاں دیدہ میں شبابؔ
   گل زار میں بہار گل و نسترن کو چھوڑ

   شباب

7. باغ سے وہ پھرا تو مرغ چمن
   لگ چلے ساتھ گلستاں کو چھوڑ

   جرأت قلندر بخش

8. بارشوں میں غسل کرتے سبز پیڑ
   دھوپ میں بنتے سنورتے سبز پیڑ

   بلراج کومل

9. بت پرستی کے صنم خانے کا آثار نہ توڑ
   کعبۂ دل مرا مست مئے پندار نہ توڑ

   ساحر دہلوی

10. بے وسوسہ غریبوں پہ بھی ہاتھ صاف کر
    مل جائیں تو جوار کی بھی روٹیاں نہ چھوڑ

    شوق بہرائچی

lo meri taraf aaj woh mael to hue hain : Raunaq e Mehfil

Ghazal

lo meri taraf aaj woh mael to hue hain
kuch meri mohabbat ke woh qaail to hue hain

sun len ge dil o jaan se hum Sheikh ki baatein
me khwaron ki mehfil mein woh shaamil to hue hain

aaye thay woh kehnay nah karoon yaad bhi un ko
dil khush hai ke woh yun marey sayel to hue hain

go doob gayi kashti meri aaj bhanwar mein
kuch takhtay meri nao ke haasil to hue hain

ab yeh hai allag baat woh bolein ke nah bolein
sad shukar ke woh zeenat e mehfil to hue hain

ae josh ghanemat hain meri aankhon mein ansoo
is behar se moti mujhe haasil to hue hain

A G Josh

لو میری طرف آج وہ مائل تو ہوئے ہیں : رونق محفل

غزل

لو میری طرف آج وہ مائل تو ہوئے ہیں
کچھ میری محبت کے وہ قائل تو ہوئے ہیں

سن لیں گے دل و جان سے ہم شیخ کی باتیں
مےخواروں کی محفل میں وہ شامل تو ہوئے ہیں

آئے تھے وہ کہنے نہ کروں یاد بھی ان کو
دل خوش ہے کہ وہ یوں مرے سائل تو ہوئے ہیں

گو ڈوب گئی کشتی مری آج بھنور میں
کچھ تختے مری ناؤ کے حاصل تو ہوئے ہیں

اب یہ ہے الگ بات وہ بولیں کہ نہ بولیں
صد شکر کہ وہ زینت محفل تو ہوئے ہیں

اے جوش غنیمت ہیں مری آنکھوں میں آنسو
اس بحر سے موتی مجھے حاصل تو ہوئے ہیں

اے جی جوش

jafaun se tumhari apni takmeel e wafa ho gi : Raunaq e Mehfil

Ghazal

jafaun se tumhari apni takmeel e wafa ho gi
khiirad ki ibtida hogi junoo ki intahaa ho gi

kisi ke dil ki duniya bhi kabhi dard aashna hogi
jo mere dil se ubhray gi wohi us ki sada ho gi

woh jeeney bhi nahi dete woh marnay bhi nahi dete
to phir yeh zindagi kaisay busr mere kkhuda hogi

uthaya jaam saqi ne mere agay se yeh keh kar
agar tum aur pi lo ge to mehfil be maza hogi

mujhe har baar dhoka deti hai dharkan marey dil ki
yehi har dam samjhta hon tri aawaz e pa hogi

meri baton pay chup rehna marey ronay pay hans dena
mein samjha yeh bhi us ke husn ki koi ada hogi

jalein gi aur bujheen gi shammen un ki bazm mein lekin
na hoga josh jis mehfil mein woh mehfil bhi kya hogi

A G Josh

جفاؤں سے تمہاری اپنی تکمیل وفا ہو گی : رونق محفل

غزل

جفاوں سے تمہاری اپنی تکمیل وفا ہو گی
خرد کی ابتدا ہوگی جنوں کی انتہا ہو گی

کسی کے دل کی دنیا بھی کبھی درد آشنا ہوگی
جو میرے دل سے ابھرے گی وہی اس کی صدا ہو گی

وہ جینے بھی نہیں دیتے وہ مرنے بھی نہیں دیتے
تو پھر یہ زندگی کیسے بسر میرے خدا ہوگی

اٹھایا جام ساقی نے میرے آگے سے یہ کہہ کر
اگر تم اور پی لو گے تو محفل بے مزا ہوگی

مجھے ہر بار دھوکا دیتی ہے دھڑکن مرے دل کی
یہی ہر دم سمجھتا ہوں تری آواز پا ہوگی

مری باتوں پہ چپ رہنا مرے رونے پہ ہنس دینا
میں سمجھا یہ بھی اس کے حسن کی کوئی ادا ہوگی

جلیں گی اور بجھیں گی شمعیں ان کی بزم میں لیکن
نہ ہوگا جوشؔ جس محفل میں وہ محفل بھی کیا ہوگی

اے جی جوش