دعا
توں اطہر میں بدکار ہاں میرے اللہ توں دو جگ دا مختار مالک ہکلا
نہ توں کئیں دا بیٹا نہ توں کئیں دا باپ ایں توں بے مثل ہئیں تے مثال اپنڑیں آپ ایں
توں مالک تے رازق تے مشکل کشا ایں سَمِیْعُ الْبَصِیْر ایں سَمِیْعُ الْدُعَا ایں
قبول اک گنہگار دی التجا کر مسلماں نوں ایمانی جذبہ عطا کر
مٹا دے زمانے تو فرقہ پرستی وسا ساڈے اجڑے ضمیراں دی بستی
بھٹک گئی اے امت تیرے مصطفیٰﷺ دی نہ رئی کئیں نوں پہچانڑ دھی دی تے ما دی
پیا اج بِھرا دا بِھرا خوں پیندااے تیرے جگ تے مفلس پیا اوکھا جیندا اے
تڑپدا پیا اے ساڈی غیرت دا لاشہ پئے ظلم ہوندن اِتھاں بے تحاشا
ختم جلدی گمراہی دی اے سزا کر جگا سُتے جذبے تے زندہ حیا کر
خدائی مخالف طرفدار کوئی نئیں تیرے باج ساڈا مددگار کوئی نئیں
قدیر ایں کبیر ایں تے غفار توں ایں اساں ہاں سیاہ کار ستار توں ایں
اساں پاپی عیبی اساں بھاویں جو ہاں مگر تیرے محبوب دے کلمہ گو آں
اُسے دے وسیلے کرم کر خدایا ہے مطلوب ہنڑ تیری رحمت دا سایہ
اسیں بنٹر کے رہ گئے آں دشمنڑ دا ہاسہ دسیندا نہ تیرے سوا کوئی پاسہ
ایہا درؔد دی عاجزانہ دعا اے اساڈے دلاں توں سیاہی مٹا اے
چا دے قوم مسلم نوں کامل ایمان اے وطن دا محافظ بنڑا ہر جوان اے
سوائے تیں توں کافر دا ڈر رہے نہ پالہہ رہوے جگ تے اسلام دا بول بالا
نعت
معظم اے دو جگ تے نام محمدﷺ نبیاں چوں اعلی اے مقام محمدﷺ
عطا ہووے توفیق حبشی دے وانگوں مثالی کراں احترام محمدﷺ
توڑے ہائیں گناہ گار کامل یقین اے خدا بخش دیسی بنام محمدﷺ
توں نور و بشر دی نہ کر بحث ملا تیری تک توں اُچا اے مقام محمدﷺ
خدا شالا آنڑیں میری زندگی وچ میں دھرتی تے ویکھاں نظام محمدﷺ
ملے درؔد مینوں میرے ناں دی نسبت ہمیشہ سدیواں غلام محمدﷺ
شانِ حضرت بلال حبشی رضی اللہ عنہ
ماہی مدنی کمال وانگ ہووے آمنہ مائی دے لالﷺ وانگ ہو وے
روک چھڈدا اے نظام رب اکبر جے مؤذن بلال وانگ ہو وے
2
نہ دنیا تے رتبہ مثالی عطا کر شکل بھاویں کوجھی تے کالی عطا کر
تینوں واسطہ کبریائی تیری دا خدا وندا عشقِ بلالی عطا کر
کوئی تبصرے نہیں:
ایک تبصرہ شائع کریں